મુકેશ જોષી

                                                                                                                                                                                    

મારા પ્રિયતમને સમર્પિત એવી કવિશ્રી મુકેશ જોષીની આ કવિતા સાથે થોડી મારા દિલની લાગણીઓને પણ હું વ્યક્ત   કરવા ચાહું છું....

 - હું ખુશનસીબ છું કે તને હું અને મારું ગાંડપણ, બન્ને મંજૂર છે.

- તારું સહજ-સાચુંકલું હાસ્ય મનેય સ્મિત કરતી રહેવા મજબૂર કરે છે.
- થેંકસ... મારી બધી નબળાઈઓ અને ભૂલો સાથે તેં મને દિલથી અપનાવી છે.
- તારો બેશુમાર પ્રેમ મારા અંતર મનને ભીજવતો રહે છે.
- મારી લાગણીઓનો તું કેવો પ્રેમ સાથે આદર કરે છે!
- તું જ્યારથી આવ્યો છે મારા જીવનમાં ત્યારથી હર ક્ષણ અને હર દિશા ખુશીથી છલકાઈ ઊઠી છે.
- દિલ કહેતું રહે છે કે મને સારી રીતે જાણતો-સમજતો હોય એવો દુનિયામાં તું એક જ છે.
- મારી સફળતા તું છે-મારો પ્રેરણાસ્ત્રોત તું છે.
- મારી તમામ ખુશીનું કારણ તું અને માત્ર તું જ છે.
- હંમેશાં એવું અનુભવાયા કરે છે કે જેની વર્ષોથી શોધ હતી એ હમસફર તું જ છે.
- મારા સૂકા રણ જેવા જીવનમાં તું પ્રેમની અનરાધાર વર્ષા બનીને આવ્યો છે.
- મારી નાની નાની વાતો પણ કેવી સુખદ રીતે તારા ધ્યાનમાં હોય છે.
- તેં જાણી મારી શક્તિ, મારી ઈચ્છાને અને તેં જ મને પ્રોત્સાહિત કરી મંજિલ ભણી આગળ વધવા.
- તારી નિર્દોષતા અને નિ:સ્વાર્થ ચાહત મને તારી વધુ ને વધુ નજીક ખેંચતી રહે છે.
- આપણા એકમેક માટેના પ્રેમ અને વિશ્ર્વાસે મારા જીવનને સાર્થક બનાવ્યું છે.
- મારી પરેશાની તારી પરેશાની બની જાય છે અને મારો આનંદ તારો આનંદ બની જાય છે. મને આથી વધુ શું જોઈએ?
- તારો પ્રેમભર્યો વિશ્ર્વાસ જ મારા જીવનનો પાયો છે.
- મારી દરેક ખુશી અને ખૂબસૂરત પળનાં કારણોમાં તું ક્યાંક ને ક્યાંક હોય જ છે.
- તું ન હોતે તો હું ક્યારની તૂટીને વિખરાઈ ગઈ હોત.
- ‘મેડ ફોર ઈચ અધર’ એવું આપણે બે જણ વિષે જ્યારે કહેવાય છે ત્યારે મને ઊંડી પ્રતીતિ હોય જ છે કે એનો મારા કરતાં વધુ હકદાર તું છે.
- મારી સફળતાથી બેવડાતી તારી ખુશી જોઈને હું અડધી અડધી થઈ જાઉં છું.
- મારા જીવનના બધા જ મહત્ત્વના નિર્ણયો લેતી વખતે તું મારી સાથે જ હોય છે. હું કેટલી નસીબદાર છું!
- મને કોઈ વાત ન ગમે, માઠું લાગે, કંઈ અજૂગતું લાગે એ મારા કહ્યા વગર જ તું કેવો સમજી જાય છે!
- મારા મોં પર સ્મિત- હાસ્ય લાવવા તું જે નખરા કરે કે નુસખા અજમાવે એ જોઈને નહીં, પણ એની પાછળની તારી ભાવના મને તરત પીગળાવી દે છે.
- મને ખબર છે કે હું સરેરાશ સ્ત્રી જેવી જ દેખાઉં છું, પણ મારા વખાણ કરતી વખતે તારા મોં પરની સચ્ચાઈ મને હું ઐશ્ર્વર્યા રાય હોવાની અનુભૂતિ કરાવે છે.
- મારી દરેક વાત પર તારો આવો દઢ વિશ્ર્વાસ મને પ્રેમમાં સતત ભીંજાયેલી રાખે છે.
- તારો સાથ મને જિંદગીની અનેક મુશ્કેલી અને મૂંઝવણથી બચાવી લે છે અને એમનો સામનો કરવાની મારી શક્તિ વધારે છે.
- દરેક સફળ પુરુષ પાછળ સ્ત્રીનો હાથ હોય છે, એમ કહેવાયું છે, પણ મારે માટે તો સત્ય એ છે કે મારી દરેક સફળતા પાછળ તારી પણ ભરચક કોશિશ હોય છે.