થોડા સમય પહેલા ફેસબુક પર એક સખીની પોસ્ટ પર, કોઈ મિત્રની કોમેન્ટમાં એક નવું જ નામ વાંચ્યું.... 'નોઝીયા કરોમાતુલ્લો'. સમય મળતાં ગુગલદેવને પ્રશ્ન કર્યો કે આ નોઝીયા કરોમાતુલ્લો છે કોણ... તો જાણ્યું કે અફઘાનિસ્તાનની ઉત્તરે આવેલ દેશ તજીકીસ્તાનની આ પ્રસિદ્ધ ગાયિકા છે. ઉંમર ફક્ત ૨૮ વર્ષ. વધુ ફંફોસતા યુટ્યુબ પર એના અગણિત વિડિયો જોવા મળ્યા.પર્શિયન છાંટવાળું આધુનિક ઢબનું સંગીત અને ગાયકી સાંભળતા જ ગમે એવા છે. પણ અહો આશ્ચર્યમ- નોઝીયા તેના કાર્યક્રમોમાં હિન્દી ફિલ્મી ગીતો પણ ગાતી જોવા મળે છે! બીજે તો ઠીક પરંતુ તજીકીસ્તાનના રાષ્ટ્રીય દિવસના જાહેર કાર્યક્રમમાં પણ 'જબ તક હૈ જાં....' જેવા ગીતો ગાતી જોવા મળે છે. એક વિડીયો કે જેમાં રશિયન પ્રેસિડેન્ટ પુતિન અને ચીનના પ્રેસિડેન્ટ શી જીનપીંગ જેવા મહાનુભાવો શ્રોતાગણમાં બેઠા છે ત્યાં નોઝીયા 'સલામ-એ-ઇશ્ક મેરી જાં....' પોતાની સાથી નર્તકીઓ સાથે રજુ કરતી હોય તો ક્યા ભારતીયનું દિલ દેશપ્રેમથી ન ઉભરાય? દિલ્હીની સંગીત અકાદમીમાંથી ભારતીય શાસ્ત્રીય સંગીતની તાલીમ મેળવનાર નોઝીયા, કથ્થક નૃત્યશૈલીમાં પણ પારંગત છે.
મારા દેશની સંસ્કૃતિને વિશ્વફલક પર પ્રોત્સાહિત કરવા બદલ પરદેશી ભગિનીને તહ-એ-દિલથી શુક્રિયા!
નોઝીયાની આકર્ષક પ્રસ્તુતિ અહીં માણો!
ટિપ્પણીઓ નથી:
ટિપ્પણી પોસ્ટ કરો